Isinilang at lumaki sa San Jose de Buenavista, Antique si JOHN IREMIL TEODORO na kasalukuyang Sekretaryo Heneral ng Unyon ng mga Manunulat sa Pilipinas o UMPIL. Premyadong may-akda ng mga libro ng tula, sanaysay, at maikling kuwento sa Kinaray-a, Filipino, Hiligaynon, at Ingles. Tinanggap niya ang S.E.A. Write Award noong 2019. Full Professor siya ng malikhaing pagsulat, literatura, at pagpapahalaga sa sining sa De La Salle University-Manila kung saan siya nagtapos ng Master of Fine Arts in Creative Writing at Doctor of Philosophy in Literature. Direktor siya ng Bienvenido N. Santos Creative Writing Center. Direktor siya ng San Agustin Writers Workshop at IYAS National Writers Workshop. Kilala rin siya bilang kritiko ng literaturang Hiligaynon at mga akda ng kababaihan. Nakatira siya sa Taft Avenue sa Maynila kung weekdays at sa Lungsod Pasig naman kung weekends.